عشان انت مصري عشان دي هيا مصر !!!!!

عشان أنت مصرى

عشان أنت مصرى لازم تعاني

وتفقد كرامتك بكل المعاني

وتحرق فى دمك سنين مش ثواني

واوعى تصدق كلام الأغاني

بتاع الحضارة وكاني وماني

ده كله هجايص مايدخل وداني

عشان أنت مصرى العذاب بيناديك

بتبدأ في يومك حاجات بترازيك

في نومك في قومك تعكنن عليك

تضايقك ولسه العماص في عينيك

مافيش مية تشطف صابونة في ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصلة

ادي المترو واقف وكهربته فاصلة

وفي الميكروباص خناقة وحاصلة

أتوبيس فرامله عايزالها وصلة

وتوك توك ده تايه ومحتاج لبوصلة

بتوصل لشغلك بدم اتحرق

في زحمة وكتمه وحر وعرق

رئيسك سايبلك كومة ورق

ده غير دمغه ضايعة وملف اتسرق

وفي كام مواطن عامل لك قلق

بيشكي تقول له روح اندعق

وعركة وهوجة وشاى اندلق

ومخك خلاص من الصداع اتفلق

حترجع لبيتك ده لو كان فى بيت

حتوصل حتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتي ياناس اتهريت

ولا حد سامعك مهما هاتيت

عشان أنت مصري وده للأسف

فلازم تقاسي تعيش تتقرف

وكل الأساسي ف حياتك ترف

فتنسى الكرامة وتنسى الشرف

وتسرق وتنصب أو تنحرف

ودمعك بيجري وجرحك نزف

مش أنت اللي مصري؟؟؟ جاتك القرف

[ندعوك للتسجيل في المنتدى أو التعريف بنفسك لمعاينة هذه الصورة]
وبردو بنحبك يا مصر

هههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههههههههههههه
ايه يااااااااااامان الكلام الكبير دا
وتحرق فى دمك سنين مش ثواني

واوعى تصدق كلام الأغاني

بتاع الحضارة وكاني وماني

ده كله هجايص مايدخل وداني
بجد الابيات دى جااااااااامدة
تسلو الايادى ياريتووووووووو

مشكوررررررررررررر يا شباب
على الموضوع الجميل ده
ونشكر اعضاء المندى على على التعب

هههههههههههههههههههههههههههه
كلام جميل جدا
تسلم يا ريتووووووووووووو

هههههههههههههههههههه
كلام فى منتهى الروعه شكرا يا ريتو على المجهود
وتسلم الايادى وطبعا بنحبك يا مصر

» مروى : أعيش قصة حب مع مصري متدين