تخيلوا لو البنات هيا اللي تخطب الولاد ايه اللى هيحصل تعالو نشوف....

تخيلوا لو البنات هيا اللي تخطب الولاد ايه اللى هيحصل تعالو نشوف....
تخيل كده وانت قاعد في الغرفه بتاعتك وعمال تقرا في كتاب رومانسي وخيالك سرحان مع فارسة احلامك تيجي

تاخدك وهيا راكبه على السيسي الابيض

وفجأة تلاقي والدتك دخلت عليك وكان اصلا قاعده مع الجيران

وتلاقيها بتقولك انا عازه اتكلم معاك في موضوع يا ابني .... طبعا هترد عليها وانت قلقان خير يا ماما؟؟؟

تقول والدتك : والله يا ابني ام محمد جارتنا عاوزه تخطبك لبنتها . وانت ما شاء الله عليك كبرت واحلويت والكل

عاوزك...... ايه رأيك يا ابني ؟

ساعتها تنزل راسك في الارض وتلعب في شعرك او في شنبك وترد وانت مكسوووووف وخدودك حمرا

الرأي رأيك والشوره شورتك يا ماما لأ لأ لأ يا( مامي احسن )

ومامتك تقولك بقى : والله انا مش شايفه في البنت حاجه

ماشاء الله عليها محترمه و وظيفتها محترمه وراتبها محترم وعيلتها كمان كويسه وبعدين من الشغل للبيت ومن البيت

للشغل ولا بتدخن ولا بتخرج مع البنات صاحباتها يعني من الاخر بنت كويسه اوي

انت بقى تقول لولدتك: بس يا مامي هيا عمرها ما شافتني خالص

والدتك تقول : هيا شافتك وانت نازل من اتوبيس المدرسه بتاعك

بس يا سيدي وسألت عليك وقالولها انك ولد كويس وابن ناس

ولا بتروح تسهر بره ولا بتروح مع اصحابك تسهر معاهم في الكوفي شوبات

وقالولها كمان انك مبتخرجش الا مع بابا

المهم يا ابني هيا وامها جايين يوم الخميس علشان يشوفوك

انت تسأل وتقول : طيب يا مامي بابي رأيه ايه ؟؟

ترد والدتك وتقول : والدك ما يعرفش حاجه هو مشغول في المطبخ وتنظيف البيت.

انت تقول : خلاص يا مامي اللي انتي شايفاه

وتخرج والدتك من الغرفه

وانت تقوم جري تقف قدام المرايا وتلف نص لفه يمين ونص لفه شمال وتشوف جسمك وتسرح شعرك وشنبك

بمنتهى الدلع

وتقول : اخيرا حست بيا وخطبتني -

وقبل يوم الخميس تروح للكوافير الرجالي وتكون حاجز قبلها وتصبغ شعرك هاي لايت وتظبط حواجبك واللذي منه وتطلع

زي القمر في الاخر

وتيجي للبيت وتلبس البنطلون اللي السوسته بتاعته( من ورا والقميص اللي كلة كرانيش وتحط العطر الرقيق الناعم)

كل ده وخطيبتك و امها قاعدين بره

وفي اللحظه دي والدك يقولك : يالله يا ابني دخل العصير لعروستك امك عماله تسأل عنك لحد ما خنقتني

وانت تقول لوالدك : يا بابي انا بتكسف مش هاقدر ادخل العصير

وابوك يقول وهو حاطط ايده على كتفك يالله يا ابني روح لعروستك هىءهىء

وانت تقول : يا بابي انت دايما تحرجني كده ...

وساعتها تدخل صينيه العصير وانت على الباب تقول احم احم وبكل ادب ورقه ودلع تقول سسسسسسلام عليكم

وترد هيا عليك بعد ما تقف وتقولك وعليكم السلام وهيا عينها هتطلع عليك

وتقولها اتفضلي العصير وانت طبعا بتقدم نوعين عصير برتقال وفراوله

وهيا تسألك ايه احلى العصير الاصفر ولا الاحمر ؟

انت ترد تقولها الاتنين حلوين

وهيا ترد طبعا عشان انت اللي عملته بأيدك

وتحط الصينيه بسرعه وتحط ايدك على فمك وتكتم الضحكه وتطلع بسرعه من الغرفه دي

وتلاقي اخوانك الولاد يسألوك شكلها ايه ؟

وانت تقوللهم : تهبل يا اخواني والله حلوه اوي ودمها خفيف

وفجأه تسمع والدك بيزغرط وبيقولك مبروك يا ابني

وتلاقي اختك العربجيه داخله من باب البيت وبتقول فيه ايه ؟

والدك يوقلها وطي صوتك فيه عروسه جوه خطبت اخوكي

وترد اختك وتقول : وهيا فين شافت اخويا عشان تخطبه ؟

المهم تقوم خناقه بينك وبين اختك اللي بتغير عليك الى ان تأتي والدتك وتضرب اخت بالقلم وساعتها اختك تغضب

وتسيب البيت لأهلك

المهم

تمر الايام بقى وانت عمال بتجهز في عش الزوجيه بتاعك

وفي يوم تفوت عليك خطيبتك بالعربيه وتقولك انا عازماك على السينما

طبعا انت تستأذن من والدتك

لكن والدتك رفضت انك تخرج لوحدك مع خطيبتك المهم

خرجت معاها تاني يوم عشا تتغدوا سوا في مطعم رومانس وجميل

وبعد الغدا وانتو بتتمشوا تحاول انها تمسك ايديك وانت مكسوف وشويا شويا عاوزه تبوسك وانت تقولها لأ لأ عيب

اخاف ان حد يشوفنا تبقى فضيحتي بجلاجل
المهم بقى

يوم الفرح وانت قاعد مع عروستك في الكوشه والمطرب يقولها لازم تبوسيه

وانت تتكسف اوي وتودي وشك في الناحيه التانيه

ويتم الزواج

هههههههههههههههههههههههههههههههههههههههههههه
ايه رايئكم ياشباب

طبعا الشباب ماتزعلش منى
الموضوع غرضه الفكاهه مش اكتر

هههههههههههههههههههههههههههههههههههههههههههههههه حلوى اوى
على فكرة كدة ميبقاش فى مشاكل خالص بس الرجالة هتشتغل فى البيت مش الست هى الى بتصرف ولالة اية وكمان فاضل حاجة وحدة ان هى سورى هو الى ينجب لان وقتها مش هيبقا فى رجالة هههههههههههههههههههههههههههههههههههههههههههههههههههههههههههههههههههههههههه

والله معاكي حق
كده ضاعت الرجاله
احنا نلبس طرحه ونقاب
ونعد نستني العدل

الموضوع لم يكتمل هل له اجزاء اخرى
وبعد تسعة اشهر هيبقى مين اللى هيقول يا رب ولد يا رب بنت دا سؤال
بصر(كلمه محظوره) انت مبدع يا بوسطجى لا تسكت على نفسك سورى بدون زعل
الموضوع كبير مش هين ممكن يوصل لمجلس الشعب وتبقى الحكومه مش فاضيه تناقش الميزانيه لانها عند الدايه او المستشفى لا دى امر لازم نقعد ونتكلم فيه
لا المنتدى بقى غريب
سمعت الاشاعه اللى بتقول انهم هيلغوا الارض من شهر سبعه علشان فى مشاكل بين الحكومه والمطر
يبقى يشوف المطر هينزل فين ؟لو حصل الكلام دا هينزل فين

ههههههههههههههههههههههههههههههههههههههههههههههههههههههههههههههههههههههههه

مرسى ع الموضوع الجميل ده

بجد جميل

جهاد كتب:: هههههههههههههههههههههههههههههههههههههههههههههههه حلوى اوى
على فكرة كدة ميبقاش فى مشاكل خالص بس الرجالة هتشتغل فى البيت مش الست
هى الى بتصرف ولالة اية وكمان فاضل حاجة وحدة ان هى
سورى هو الى ينجب لان وقتها مش هيبقا فى رجالة
هههههههههههههههههههههههههههههههههههههههههه
هههههههههههههههههههههههههههههههه

محدش جاب سيره الاولاد
ده موضوع الخطوبه والموضوع مين اللى هايبدا بالكم ومين اللى هايتقدم
لا كده احسن يبقى الوضع كما هو عليه
ده مجرد تخيل وخلاص هاصحى من الحلم

SOSO كتب:: ههههههههههههههههههههههههههههههههههههههههههههههههههههههههههههههههههههههههه

مرسى ع الموضوع الجميل ده

بجد جميل

شكرا يا سوسو على المرور الغالى

ندى الفجر كتب:: الموضوع لم يكتمل هل له اجزاء اخرى
وبعد تسعة اشهر هيبقى مين اللى هيقول يا رب ولد يا رب بنت دا سؤال
بصر(كلمه محظوره)
الموضوع كبير مش هين ممكن يوصل لمجلس الشعب وتبقى الحكومه مش فاضيه تناقش الميزانيه لانها عند الدايه او المستشفى لا دى امر لازم نقعد ونتكلم فيه
لا المنتدى بقى غريب
سمعت الاشاعه اللى بتقول انهم هيلغوا الارض من شهر سبعه علشان فى مشاكل بين الحكومه والمطر
يبقى يشوف المطر هينزل فين ؟لو حصل الكلام دا هينزل فين

اولا شكرا يا فارس الاحلام على المرور الغالى
انت مبدع يا بوسطجى لا تسكت على نفسك سورى بدون زعل
غريبه انا مش هاسكت على نفسى

الموضوع مجرد تخيلات عن زمن فاااات وعن توقعات عن زمن ربما يكون ات
ولا مجال للمناقشات لا فى مجلس الشعب ولا فى الساحاااااااااات
والارض مش هاتلغى

مش هقول غير كلمة واحدة

منك لله يا بوسطجى

شكرا للمرور الغالى يا احمد بجد نورت الموضوع

والله بجد احنا لازم نعد
ونسيب السياسه
والاقتصاد
ونعد نستني البنات لما يلبسونا
الدبـــــــــــــــل

كانت الدنيا خربت وكانت كرامتنا بالارض

هههههههههههههههههههههههههههههههههه

ويعني هو هكون لينا كرامه اصلا

ههههههههههههههههههههههه بجد موضوع روعة يارييييييت البنت هى اللى تروح تخطب الولد الله يبقى حاجة حلوة اوى