عفية يناس اسمعوني

عفيه يناس اسمعوني
عندي قصة صغيرة هيه
اسمعوهه للنهاية وتعرفون شصار بيه
أني قصتي ويه الحبيبة
ويه الصديق الخان بيه
جنت أحب وحده وتحبني وللصبح نكعد سوية
أني اضحك هيه تبجي
وامسح الدمعة بدية
شبيج اكلهه تكلي احبك عفية لا تبعد عليه
وينكسر كلبي الغبي
كلبي الغشيم لعلى النية
ألي وكعني بمصابي وبمشاكل وحشه هيه
وبمفارز حب دفعني واني مو شايل هوية
ويكلي لا تتركهه تبجي
ويكلي حبهه أكثر خطية
أسبوع غبت انه عليهه ردت تاخذني المنية
تأخرت فترة كصيرة شفكرت هاي الغبية
تخابر لهاتف صديقي تخابره وتسأل عليه
يكلهه عوفي ما يحبج هذا عنده غير نية
وهو اعز الأصدقاء وأغلى من روحي عليه
تالي ما تالي صديقي ويه الحبيبة يخون بيه
ترافكت ويه صديقي لجنت احبهه حيل بيه
للحبيبة لخاينه لباعت هوانة لمو وفيه
وللصديق المو وفي الخان الوصية
من كلب مظلـــــــــــــــــــــــــــــــــــــــوم يدعي ارد اقدملهم تحية
ما بقت عندي حبيبة ولا صديق بقت بس عله خفية
وما بقت بس دمعة تجري وادعي كل صبح ومسية
وين الله؟؟؟ بلكي الله ينتقم من اعز ثنين إلية
هذا الجرالي وصار ما اكدر احجيه